صراط فارمیٹنگ اسٹائل
فارمیٹنگ کے اصول
اپنا مسودہ صراط کے انداز میں تیار کریں — یکساں، خوبصورت اور پرنٹ کے لیے تیار۔ فارمیٹنگ کے 41 اصول، عربی ٹائپنگ کے 7 اصول اور مکمل تکنیکی تفصیلات۔
فارمیٹنگ کے 41 اصولعربی ٹائپنگ کے 7 اصولپیج سائز اور فونٹس
ایک نظر میں
17pt
اردو متن
پیامی نستعلیق
22pt
مین ہیڈنگ
بولڈ، درمیان میں، انڈر لائن نہیں
0.4″
پہلی لائن انڈینٹ
ہر پیراگراف
فارمیٹنگ کے اصول
نیچے 41 اصولوں کو موضوع کے لحاظ سے ترتیب دیا گیا ہے۔
Aپیج سیٹنگ اور ساخت8 اصول
1ہر تقریظ کو کوئی عنوان دیں۔
2پیراگراف کے شروع میں ٹیب کا استعمال ضرور کریں۔
3پیج سائز کو اسٹینڈرڈ سائز میں رکھیں:
- 5.5×8.5 انچ — اگر صفحات 20 سے 180 ہوں۔
- 6×8.75 انچ — اگر صفحات 180 سے زائد ہوں۔
- 7×9.5 انچ — یہ سائز اکثر فتاویٰ کی کتب یا ایک سے زائد جلد والی کتب کے لیے ہے۔
4درمیان میں آنے والی کتب یا معزز شخصیات کی فہرست بنانے میں حسن ترتیب اور حسن انداز کا خیال رکھیں۔
5پوری کتاب میں پیراگراف، ہیڈنگز اور تمام قسم کے مندرجات کے لیے جو بھی پیٹرن استعمال کیا جائے، پوری کتاب میں اسی کو فالو کیا جائے۔
6ممکن ہو تو سافٹ ویئر کے اسٹائلز کا استعمال کریں، کام انتہائی آسان ہو جائے گا۔
7کتاب اگر بڑے بڑے ابواب میں تقسیم ہو تو ہر باب کو طاق صفحہ سے شروع کیا جائے۔ اور اگر ابواب زیادہ ہی بڑے ہیں تو ہر باب کی طاق صفحہ سے شروعات سے پہلے ایک صفحہ کو خالی چھوڑ دیا جائے جو جفت نمبر کا ہوگا، اور اس سے پہلے والے صفحہ پر جو طاق نمبر کا ہوگا، بڑے حروف میں صرف باب نمبر اور اس کے عنوان کا نام لکھا جائے۔ اس صفحہ کو جتنا ممکن ہو سادہ اور خوبصورت بنایا جائے۔
8پیراگراف زیادہ لمبے نہ ہوں، درمیانے سائز کے ہوں۔ اور ایسا تو بالکل نہیں ہونا چاہیے کہ پورا صفحہ گزر جائے اور پیراگراف نہ تبدیل ہو، جیسا کہ اکثر پرانی کتب میں دیکھا جاتا ہے۔
Bہیڈنگز9 اصول
9مین ہیڈنگ صفحے کے درمیان میں رکھیں جو کم سے کم 20 یا 22 نمبر سائز میں بولڈ ہو، انڈر لائن نہ ہو۔ ہیڈنگ کے اوپر اور نیچے مناسب گیپ رکھیں۔
10فرسٹ ہیڈنگ کو انڈر لائن کرنے کی حاجت نہیں ہے، نہ سنگل میں اور نہ ڈبل میں۔
11دوسری ہیڈنگ کو بھی انڈر لائن صرف اس صورت میں کیا جائے جبکہ سیکنڈ ہیڈنگ کو پہلی ہیڈنگ سے ممتاز کرنا مقصود ہو۔
12پہلی ہیڈنگ، دوسری ہیڈنگ اور تیسری ہیڈنگ آپس میں ممتاز ہوں، اور ہیڈنگز کے لیے جو بھی انداز اپنایا جائے پوری کتاب میں اسی کو فالو کیا جائے۔
13سیکنڈ ہیڈنگ کے بھی اوپر اور نیچے مناسب گیپ رکھیں۔
14ہیڈنگ کے بعد ضروری ہے کہ اس کے بعد آنے والے مضمون کی کم سے کم ایک لائن ہو۔
15فرسٹ ہیڈنگ بیچ میں رکھیں، سائز: 22، بولڈ، انڈر لائن نہ کریں۔
16سیکنڈ ہیڈنگ جس انداز میں رکھیں، اسے فرسٹ ہیڈنگ سے ممتاز ہونا چاہیے۔
17تھرڈ ہیڈنگ کو بھی فرسٹ اور سیکنڈ ہیڈنگ سے ممتاز ہونا چاہیے۔
Cفونٹس اور فونٹ سائز8 اصول
18عربی کے لیے کسی معیاری فونٹ کا استعمال کریں۔
19قرآن کے لیے قرآن پاک والا رائج فونٹ استعمال کیا جائے۔
20اردو پیراگراف میں فونٹ سائز 17 رکھیں۔
21عربی پیراگراف کا فونٹ سائز 14 یا 16، جو مناسب نظر آئے، رکھیں۔
22اردو حوالہ اگر پیراگراف میں ہے تو اس کے فونٹ کا سائز 14 رکھیں۔
23عربی حوالہ کا فونٹ سائز 12 یا 14، جو مناسب معلوم ہو، رکھیں۔
24قرآن پاک کے لیے رسم عثمانی فونٹ کا استعمال کریں۔
25اردو، عربی پیراگراف اور حوالہ جات کے لیے کوئی بھی مناسب فونٹس استعمال کیے جا سکتے ہیں۔
Dزبان، عربی عبارات اور قرآن3 اصول
26الفاظ کو پرانی اردو کے لحاظ سے نہ لکھیں، جیسے: "لیکر" نہ لکھیں، "لے کر" لکھیں۔ "آپکی" نہ لکھیں، "آپ کی" لکھیں۔
27اردو عبارات کو الگ پیراگراف میں اور عربی عبارات کو الگ پیراگراف میں رکھیں۔
28قرآن کی آیت کو الگ پیراگراف میں اور اس کے ترجمہ کو الگ پیراگراف میں رکھا جائے۔
Eحوالہ جات3 اصول
29حوالہ جات کے لیے پوری کتاب میں ایک پیٹرن کا استعمال کریں۔
30اگر حوالہ جات کو پیراگراف میں رکھنا ہے تو تمام حوالے پیراگراف ختم ہونے کے بعد اسی لائن میں یا اگلی لائن میں رکھیں۔
31کوئی بھی حوالہ پیج کے شروع میں نہ آئے۔
Fبولڈ، بریکٹس اور رموز اوقاف9 اصول
32پیراگراف کے درمیان میں الفاظ کو بہت ضروری صورتوں میں ہی بولڈ کیا جائے۔ مکمل سطروں کو بولڈ کرنے سے پرہیز کریں۔
33ڈبل بریکٹس کا استعمال نہ کیا جائے۔
34درمیان پیراگراف میں بریکٹ کا استعمال صرف اسی وقت کیا جائے جب بہت زیادہ ضروری ہو۔
35مقولات کو بیان کرنے کے لیے واوین کا استعمال کیا جائے۔
36غیر ضروری طور پر وقفے کا استعمال نہ کریں۔
37رموز اوقاف کا اصول یہ ہے کہ ان کا استعمال لفظ ختم ہونے کے بعد فوراً ہو، اور ان کے بعد ایک اسپیس کا استعمال ہو۔
38پیراگراف کے درمیان میں الفاظ کو بلا ضرورت بولڈ نہ کریں۔
39ڈیزائن والے بریکٹ کو بلا ضرورت استعمال نہ کریں۔
40رموز اوقاف کا خیال لازمی ہے۔
41. مزید معلومات کے لیے صراط پبلیکیشنز کی ٹرمز اینڈ کنڈیشنز ملاحظہ فرمائیں۔
عربی ٹائپنگ کے لیے خصوصی اصول
1عربی کے لیے عربی کی بورڈ کا استعمال کریں۔
2ہمزۂ قطعیہ مفتوحہ کو ہمیشہ أ لکھیں، جیسے: أكرم، أنَّ، أسرة
3اور ہمزۂ قطعیہ مکسورہ کو إ سے، جیسے: إنَّ، إكرام، إلى
4اور ہمزۂ وصلیہ کو بغیر ہمزے والے الف سے لکھیں، جیسے: اجتناب، انفعال
5في کو نقطوں والی ي سے لکھیں اور على، إلى کو بغیر نقطوں والی ى سے۔ دوسرے لفظوں میں یوں کہہ سکتے ہیں کہ جہاں ي بطور ي ہی ہو وہاں نقطوں والی ي لکھی جائے گی، اور جو ى الف مقصورہ کے طور پر استعمال کی گئی ہو وہاں بغیر نقطوں والی ى استعمال کریں۔
6اردو والی ہ یا ھ استعمال نہ کریں، جیسے: اللہ، لہ، الأردیۃ، الحسنۃ، ھو، ھما، لھما۔ بلکہ عربی والی استعمال کریں، جیسے: الله، له، الأردية، الحسنة، هو، هما، لهما
7رموز اوقاف جس لفظ کے بعد بھی استعمال ہوں تو کسی بھی رمز سے پہلے اسپیس نہ دیں، رمز کے بعد اسپیس ضرور دیں۔ اس سے کتاب کی سیٹنگ میں آسانی ہوتی ہے۔
✗ غلط — اردو حروف
اللہ، لہ، الأردیۃ، الحسنۃ، ھو، ھما
✓ درست — عربی حروف
الله، له، الأردية، الحسنة، هو، هما
تکنیکی تفصیلات
پیج سیٹنگ
180 صفحات تک
5.5 × 8.5″
چاروں طرف 0.5 انچ مارجن
500 صفحات تک
6 × 8.75″
چاروں طرف 0.6 انچ مارجن
800 صفحات اور زائد
7 × 9.5″
0.7 انچ مارجن · فتاویٰ و کثیر جلدی کتب
متن کے فونٹس
| مواد | فونٹ اور سائز | پیراگراف |
|---|
| اردو پیراگراف | پیامی نستعلیق، 17 پوائنٹ | 0.4 انچ انڈینٹ · لائن اسپیسنگ ٹھیک 27 |
| عربی پیراگراف | بغیر اعراب — Kitab، XB Niloofar یا PLF، 14 پوائنٹ | 0.4 انچ انڈینٹ |
| قرآن | Alqalam Qur'an Publisher، 16 پوائنٹ | 0.4 انچ انڈینٹ |
| اردو حاشیہ | 14 pt | — |
| عربی حاشیہ | Kitab, 12 pt | — |
حاشیہ یا تو پیراگراف کے آخر میں رکھیں، یا صفحے کے نیچے لائن کے نیچے فٹ نوٹ بنا کر۔
ہیڈنگز کی ترتیب
H1مین ہیڈنگ
پیامی نستعلیق · 22 پوائنٹ · بولڈ
مہر نستعلیقپیامی نستعلیقفیض لاہوری نستعلیقاسلم
H2سب ہیڈنگ
عنوان نستعلیق · 18 پوائنٹ (یا جو خوبصورت لگے)
عنوان یونیکوڈعبدولائن ہیویمہر نستعلیقپیامی نستعلیق
H3تیسری ہیڈنگ
عبدولائن · مناسب سائز
اوپر کے تمام فونٹس، کم سائز کے ساتھ
نوٹ: ہیڈنگز اور ان سے پچھلے پیراگراف کے درمیان مناسب گیپ رکھنا ضروری ہے۔
فارمیٹنگ یا ٹائپنگ میں مدد چاہیے؟
کتاب فارمیٹنگ 20 روپے فی صفحہ · کتاب ٹائپنگ 30 روپے فی صفحہ