عام سوالات

ہمارے صارفین اور لکھاریوں کے ذہنوں میں اٹھنے والے عام سوالات کے جوابات یہاں موجود ہیں۔ چاہے آپ کو کسی معاملے میں رہنمائی درکار ہو یا کسی بات کی وضاحت چاہیے، یہاں آپ کو اپنی ضرورت کی معلومات آسان اور واضح انداز میں ملیں گی۔

جنرل

آپ کے اشاعتی ادارے کا بنیادی مقصد کیا ہے؟ +

ہمارے اشاعتی ادارے کا بنیادی مقصد مصنفین کے لیے کتابوں کی اشاعت کو آسان اور قابلِ رسائی بنانا ہے۔ ہم رائلٹی کے ذریعے مصنفین کی حوصلہ افزائی کرتے ہیں تاکہ انہیں اپنی علمی و ادبی کاوشوں کا مناسب معاوضہ ملے اور وہ مزید معیاری کتابیں لکھنے کی طرف راغب ہوں۔ اس کے ساتھ ساتھ ہماری کوشش ہے کہ مستند اسلامی تعلیمات اور قابلِ اعتماد علمی مواد کو زیادہ سے زیادہ قارئین تک پہنچایا جائے، تاکہ علم و تحقیق کو فروغ ملے اور معاشرے میں مطالعے کا ذوق پروان چڑھے۔

صراط پبلیکیشنز کون سی سروسز فراہم کرتا ہے؟ +

ہم دو بنیادی سروسز فراہم کرتے ہیں: پرنٹنگ سروس اور پبلشنگ سروس۔ اس کے علاوہ ٹائٹل ڈیزائننگ، کتاب فارمیٹنگ، ٹائپنگ، پوسٹ ڈیزائننگ، ویڈیو ایڈیٹنگ اور ترجمہ جیسی ایڈیشنل سروسز بھی دستیاب ہیں۔ مکمل تفصیل دیکھیں۔

پرنٹنگ سروس اور پبلشنگ سروس میں کیا فرق ہے؟ +

پرنٹنگ سروس میں آپ کو جتنی کتابیں درکار ہوں اتنی پرنٹ کر کے دی جاتی ہیں؛ پرنٹ کی لاگت آپ ادا کرتے ہیں اور کتب آپ کے ایڈریس پر بھیج دی جاتی ہیں — کانٹریکٹ بس اتنا ہی ہوتا ہے۔ پبلشنگ سروس میں ISBN، پرنٹنگ، لسٹنگ، پروموشن، آرڈرز، ڈلیوری اور رائلٹی سب ہماری ذمہ داری ہوتی ہے — اور کتاب ہمیشہ دستیاب رہتی ہے۔

صراط پبلیکیشنز سے رابطہ کیسے کریں؟ +

ہم سے +91 99271 87748 پر کال یا واٹس ایپ کریں، siraatpublications@gmail.com پر ای میل کریں، یا بھوجپور، دھرم پور، مرادآباد (یو۔پی) تشریف لائیں۔ قیمت معلوم کرنے کے لیے ہمارا مفت کوٹیشن فارم استعمال کریں۔

پرنٹنگ سروس

پرنٹنگ سروس سے کون فائدہ اٹھا سکتا ہے؟ +

مصنفین بذات خود اور پبلشنگ ادارے دونوں اس سروس سے استفادہ کر سکتے ہیں۔ آپ اپنی سہولت اور بجٹ کے حساب سے جتنی چاہیں کتب پرنٹ کروا سکتے ہیں۔

پرنٹ کوالٹی اور کاغذ کیسا ہوتا ہے؟ +
  • اندرونی صفحات: 90 GSM NS کریم A1 پیپر
  • کور پیج: 350 GSM ہائی کوالٹی پیپر، گلوس لیمینیشن کے ساتھ
کیا مجلد (ہارڈ باؤنڈ) کتاب بھی بنتی ہے؟ +

جی ہاں۔ مجلد کتب میں 90 GSM NS کریم A1 پیپر پر مضبوط اور بہترین کوالٹی کی جلد ہوتی ہے۔ جیکٹ کور اور UV بھی شامل کیے جا سکتے ہیں، اور آپ کی ڈیمانڈ پر دیگر اضافی چیزیں بھی کی جا سکتی ہیں۔

پبلشنگ سروس

آپ اشاعت کے لیے کتابوں کا انتخاب کیسے کرتے ہیں؟ +

صراط پبلیکیشنز کا انتخاب کتاب کے معیار اور علمی بنیاد پر ہوتا ہے۔ مارکیٹ اور سیلنگ ریٹ صراط پبلیکیشنز کے لیے اشاعت کا معیار نہیں۔

کیا کچھ عرصے بعد میری کتاب مارکیٹ سے ختم ہو جائے گی؟ +

نہیں۔ عام طور پر خود شائع کی گئی کتاب 100 سے 1000 کاپیاں تقسیم ہونے کے بعد ختم ہو جاتی ہے، اور ادارے بھی صرف ڈیمانڈ رہنے تک چھاپتے ہیں۔ صراط پبلیکیشنز اس بات کو یقینی بناتا ہے کہ پبلش ہونے والی کتب ہمیشہ باقی رہیں — یعنی علمائے اہل سنت کے علمی سرمایہ کا تحفظ ہو۔

کیا میری کتاب کو ISBN ملے گا؟ کیا کاپی رائٹ بھی مل سکتا ہے؟ +

جی ہاں، ہر کتاب ISBN نمبر کے ساتھ پبلش ہوتی ہے۔ اگر آپ آفیشلی Copyright© لینا چاہیں تو یہ سروس بھی ہم مہیا کرواتے ہیں — اس کے لیے گورنمنٹ سے طے شدہ رقم الگ سے دینا ہوتی ہے۔

میری کتاب کے حقوق کس کے پاس ہوں گے؟ +

جملہ حقوق بحق مصنف / مؤلف / مرتب ہی محفوظ ہوتے ہیں۔ کتاب کا اصل مالک رائٹر ہی ہوتا ہے۔

پرنٹنگ، آرڈرز اور ڈلیوری کون سنبھالتا ہے؟ +

کتاب کو پرنٹ کرنا، پیک کرنا، آرڈر لینا، بک کرنا اور کسٹمر تک پہنچانا — یہ سب پبلیکیشنز کے ذمہ ہوتا ہے۔

میری کتاب کی پروموشن کیسے ہوگی؟ +

ہر کتاب کو انسٹاگرام، یوٹیوب، فیس بک، پنٹرسٹ، ایکس (ٹوئٹر)، انڈیا مارٹ، تھریڈز، ہماری ویب سائٹ، واٹس ایپ گروپس و چینل، ٹیلی گرام، ایمیزون، میشو اور گوگل بزنس پر پروموٹ کیا جاتا ہے۔ اس کے علاوہ تعارفی و پیکنگ ویڈیوز، علمائے کرام کے ذریعے تعارف، کسٹمر ریویوز اور انفلوئنسرز کے ساتھ کولابوریشن بھی کی جاتی ہے۔

کیا مجھے پتا چلے گا کہ میری کتاب کب فروخت ہوئی؟ +

جی ہاں۔ ہمارا مکمل سسٹم سافٹ ویئر سے مینیج ہوتا ہے، اور ہر سیل پر رائٹر کو اس کے رجسٹرڈ جی میل آئی ڈی پر آٹومیٹک اطلاع جاتی ہے — کون سی کتاب، کب، کتنی تعداد میں، کس کسٹمر آئی ڈی پر گئی، اور کتنے روپے کی رائلٹی بنی۔

رائلٹی اور فیس

رائلٹی کیسے طے ہوتی ہے؟ +

کتاب سے ہونے والے منافع کا پچاس فیصد مصنف کو دیا جاتا ہے — سیلنگ اماؤنٹ کا نہیں۔ اگر کسی کتاب سے ادارے کو 100 روپے کا فائدہ ہو تو 50 روپے بطور رائلٹی مصنف کو جاتے ہیں۔ منافع وہ رقم ہے جو پرنٹ کاسٹ، ٹرانسپورٹ، ایڈورٹائزمنٹ اور RTO چارج وغیرہ نکالنے کے بعد بچتی ہے۔

رائلٹی کب اور کیسے ادا کی جاتی ہے؟ +

ہر ماہ کے آخر میں آپ کو رائلٹی سلپ ملتی ہے جس میں اس ماہ کی پوری کارکردگی ہوتی ہے۔ اگر رائلٹی اماؤنٹ 2000 روپے یا اس سے زیادہ ہو تو وہ آپ کے اکاؤنٹ میں ٹرانسفر کر دی جاتی ہے (ماہ کی مکمل رائلٹی اگلے ماہ کی 10 تاریخ تک ادا کی جاتی ہے)۔

کیا اشاعت کے لیے کوئی رجسٹریشن فیس ہے؟ +

جی ہاں، ایک ون ٹائم رجسٹریشن فیس: نارمل سائز میں 30 روپے فی صفحہ، اور فتاویٰ والے سائز (7×9.5 انچ) میں 40 روپے فی صفحہ۔ مثلاً نارمل سائز میں 50 صفحات کی کتاب کے لیے 1500 روپے اور 100 صفحات کے لیے 3000 روپے۔

ایڈیشنل سروسز

ٹائٹل ڈیزائن، فارمیٹنگ اور ٹائپنگ کے چارجز کیا ہیں؟ +
  • ٹائٹل ڈیزائننگ: 750 روپے (صراط پبلیکیشنز سے شائع ہونے والی کتب کے لیے؛ کتابت کے چارجز الگ ہوں گے)
  • کتاب فارمیٹنگ: 20 روپے فی صفحہ
  • کتاب ٹائپنگ: 30 روپے فی صفحہ
  • پوسٹ ڈیزائننگ: 200 روپے فی پوسٹ
  • ویڈیو ایڈیٹنگ: 200 روپے فی منٹ

یہ چارجز بنیادی ہیں، ایکسٹرا کام کی بنیاد پر ایکسٹرا چارجز ہو سکتے ہیں۔

کیا آپ ترجمہ کی سروس بھی دیتے ہیں؟ +

جی ہاں — اردو، ہندی، عربی، انگلش، فارسی، گجراتی، بنگالی وغیرہ۔ چارجز زبان اور متن کے مطابق ہوتے ہیں؛ کوٹیشن حاصل کریں۔

تحریر اور فارمیٹنگ

کیا تحریر کے لیے کوئی اصول ہیں جن کی پابندی ضروری ہے؟ +

جی ہاں۔ کسی کو ذاتی طور پر نشانہ نہ بنائیں، غیر مہذب الفاظ سے بچیں، نفرت، تشدد یا اہل سنت میں انتشار پیدا کرنے والے مواد سے پرہیز کریں، اور اہل سنت کے درمیان مختلف مواقف کا احترام کریں۔ تحریر کے اخلاقی اصول پڑھیں۔

صراط پبلیکیشنز اسی موضوع پر مختلف موقف کی کتاب شائع کر چکا ہے، کیا یہ مسئلہ ہے؟ +

نہیں۔ اس اختلاف کو اپنی مخالفت نہ سمجھیں — ہو سکتا ہے وہ کتاب ایسے گوشوں کو اجاگر کر رہی ہو جن پر دوسروں کی نظر نہ گئی ہو۔ اہل سنت کے درمیان ایک مسئلہ پر دو یا اس سے زیادہ موقف ہو سکتے ہیں، اور ان سب کا احترام کیا جانا بہتر ہے۔

میری کتاب کا پیج سائز کیا ہونا چاہیے؟ +
  • 5.5×8.5 انچ — 180 صفحات تک (مارجن 0.5 انچ)
  • 6×8.75 انچ — 500 صفحات تک (مارجن 0.6 انچ)
  • 7×9.5 انچ — 800 صفحات اور زائد، فتاویٰ اور کثیر جلدی کتب (مارجن 0.7 انچ)
کون سے فونٹس اور سائز استعمال کریں؟ +
  • اردو متن: پیامی نستعلیق 17 پوائنٹ، پہلی لائن میں 0.4 انچ انڈینٹ، لائن اسپیسنگ ٹھیک 27
  • عربی متن: Kitab، XB Niloofar یا PLF، 14 پوائنٹ (بغیر اعراب)
  • قرآن: Alqalam Qur'an Publisher، 16 پوائنٹ (رسم عثمانی)
  • مین ہیڈنگ: پیامی نستعلیق 22 پوائنٹ بولڈ؛ سب ہیڈنگ: عنوان نستعلیق 18 پوائنٹ

فارمیٹنگ کے تمام اصول دیکھیں۔

کیا عربی ٹائپنگ کے کوئی خاص اصول ہیں؟ +

جی ہاں: عربی کی بورڈ استعمال کریں؛ ہمزۂ قطعیہ کو أ / إ اور ہمزۂ وصلیہ کو سادہ ا سے لکھیں؛ في میں نقطوں والی ي اور على / إلى میں بغیر نقطوں والی ى؛ عربی ه اور ة استعمال کریں (اردو ہ / ھ / ۃ نہیں)؛ اور رمز سے پہلے اسپیس نہ دیں، بعد میں ضرور دیں۔

ابھی بھی سوال ہے؟ ہم مدد کے لیے حاضر ہیں۔